Siglir tar il cuntegn
cuntegn

Exteriur Scandal da svapurs maina a perditas d'impostas

In studi mussa, ch'ils trics da svapurs fan grondas rusnas en las cassas d'impostas en l'entira Europa.

La part davos d'in auto cun svapurs.
Legenda: Sulet la Germania haja tenor il studi pers 1,2 milliardas entradas. Keystone

Ils trics da svapurs dals constructurs d'auto fan era grondas rusnas en las cassas d'impostas. Quai tenor in studi ch'è vegni fatg sin incumbensa da la fracziun verda en il parlament europeic. Sulet en la Germania haja il fiscus pers il 2016 1,2 milliardas euros entradas d'impostas per vehichels. La raschun saja, ch'ins haja fatg pajar impostas sin fundament da valurs incorrectas da CO2 dals vehichels.

Indesch stadis europeics hajan pers radund 11,3 milliardas euros il 2016. Sch'ins guardia sin ils onns 2010 fin il 2016 muntia quai perditas da taglia da fin 46 milliardas euros.

RR novitads 12:00