Siglir tar il cuntegn
Inhalt

Exteriur Scandal da svapur fraina VW

Las consequenzas da la crisa da svapurs da VW ha entant cuntanschì il mintgadi da blers collavuraturs. A Salzgitter vegn il mument fabritgà pli pauc motors ed a Braunschweig na vegn il mument nagin pli emploià da nov.

VW producescha pli paucs autos il mument.
Legenda: VW producescha pli paucs autos il mument. Keystone

In’emna suenter ch’il schef dal concern d’autos da Volkwagen, Martin Winterkorn è sa retratg pervia dal scandal da svapur, datti ussa era concretas consequenzas per ils collavuraturs.

Uschia ha VW per exempel decidì da producir pli paucs motors a Salzgitter, in dals pli gronds lieus da producziun da motors. Radund 7’000 collavuraturs fabritgeschan là di per di radund 7’100 motors.

Stop d‘engaschament

Dentant era las interpresas affiliadas da VW èn pertutgadas. Uschia na vul la «Volkswagen Financial Services» betg pli emploiar collavuraturs enfin la fin dal onn.

Il scandal da svapur pertutga radund 11 milliuns autos sin l’entir mund, ha communitgà VW. Il concern d’autos n’ha dentant anc betg communitgà exact tge models ch’en pertutgads, cura che las midadas vegnan fatgas e quant che quellas vegnan a custar.

RR novitads 17:00