Siglir tar il cuntegn

Header

Navigaziun

La sedia da VW.
Legenda: Plirs inschigners han entant para laschà valair d'esser stads participads a las manipulaziuns. Keystone
cuntegn

Exteriur Scandal da svapur: «Existenza da VW è periclidada»

En l'affera davart ils tests da svapurs manipulads da VW datti para ils prims confess. Plirs inschigners hajan laschà valair d'esser stads participads a las manipulaziuns, rapportan medias tudestgas.

Il nov schef dal cussegl da surveglianza dal concern Hans Dieter Pötsch tema entant per l'existenza da VW. Pervi dal scandal saja il concern en ina situaziun ordvart precara.

Sche tuts tirian vid la medema suga saja el però segir ch'ins dumognia la situaziun, uschia Pötsch. Tenor il rapport stat er il budget d'investiziun da passa 100 milliardas euros sin il post da prova.

RR novitads 06:00