Siglir tar il cuntegn

Header

cuntegn

Scandal da diesel Anteriurs top-managers da VW ston pajar indemnisaziuns

En il scandal da diesel enturn il concern tudestg Volkswagen hai dà cunvegnas da pajaments d’indemnisaziuns. L’anteriur schef dal concern, Martin Winterkon, e trais ulteriurs ex-topmanagers pajan ensemen cun assicuranzas tut en tut 288 milliuns euros a Volkswagen. Quai ha VW annunzià la mesemna.

Winterkorn sez paja 11,2 milliuns euros. L'anteriur schef dad Audi e commember da la direcziun dal concern da VW, duai sez pajar 4,1 milliuns euros. La gronda part da la summa vegn dentant surpigliada dad assicuranzas da responsabladad spezialisadas.

Il scandal enturn manipulaziuns vid motors da diesel haja fin uss custà passa 30 milliardas euros a VW, scriva il concern. A Winterkorn ed ils auters managers vegn rinfatschà d’avair violà l’obligaziun da diligenza.

Ord l'archiv:

audio
Il concern Volkswagen
ord Il chavazzin dal di dals 27.03.2018. Maletg: Keystone
laschar ir. Durada: 3 minutas 35 Secundas.

RTR novitads 17:00;

Artitgels legids il pli savens