Siglir tar il cuntegn
Inhalt

Exteriur Scandal d'ovs s'extenda sin 12 pajais

En ulteriurs pajais europeics han las autoritads chattà ovs ch'èn contaminads cun l'insecticid fipronil.

Purtrets da sis ovs en ina stgatla d'ovs verda.
Legenda: Gia en 12 pajais europeics han ins chattà ovs contaminads cun l'insecticid fipronil. Keystone

20 tonnas d'ovs contaminads cun fipronil èn vegnids en il Danemarc. Tenor la segirezza per victualias derivian ils ovs dal Pajais Bass e sajan vegnids vendids sur tut a gastronoms. Er en l'Austria han grossists vendì ovs contaminads. Per precauziun han els cumenzà a clamar enavos ils ovs.

Uschia è il scandal da fipronil s'extendì sin 12 pajais europeics. Las autoritads germanas supponan il mument almain 10,7 milliuns ovs contaminads. Quai rapporta la gasetta «Rheinische Post».

Inscunter da l'UE

En il scandal d’ovs contaminads cun Fipronil vul l’Uniun europeica s’inscuntrar svelt per discutar la crisa, quai ha il cumissari da sanadad da l’UE Vy-tenis An-driu-kai-tis proponi als ministers responsabels. Cura che tut ils fatgs sajan sin maisa possian ins discutar ed analisar la situaziun ma i na portia nagut da far il vischin responsabel per il scandal, ha ditg il minister.

RR novitads 06:00