Siglir tar il cuntegn

Exteriur Sarkozy vul turnar

L'anteriur president da la Frantscha Nicolas Sarkozy vul puspè daventar president da la Grande Nation. El ha annunzià sur Twitter sia candidatura per l'elecziun l'auter onn.

Sarkozy tranter ina bandiera da l'UE ed ina da la Frantscha.
Legenda: Nicolas Sarkozy vul anc ina giada empruvar da daventar president da la Frantscha. Keystone
Jau sun ma decidì da anc ina giada candidar tar las elecziuns dal president il 2017
Autur: Nicolas SarkozySchef da partida dals Republicans conservativs

Quai scriva Nicolas Sarkozy en ses cudesch che duai vegnir publitgà mesemna. Sarkozy ha publitgà in maletg cun il titel dal cudesch sin twitter.

Per pudair candidar sto Sarkozy ch'ha 61 onns sa retrair fin gievgia sco schef da partida dals Republicans conservativs. En la Frantscha vegn elegì la primavaira 2017 in nov president. Il president actual François Hollande vul annunziar pir la fin da l'onn sch'el candidescha anc ina giada.

RR novitads 17:00