Siglir tar il cuntegn

Header

cuntegn

Exteriur Sanders gudogna a Michigan, Clinton a Mississippi

Bernie Sanders, l'aspirant democratic per il presidi american ha gudagnà suprendentamain la pre-elecziun en il stadi Michigan. Enquistas avevan fatg allusiun d'ina clera victoria a Michigan per Clinton. Tar ils republicans ha Donald Trump extendì ses avantatg tar las elecziuns preliminaras.

Bernie Sanders, il candidat democratic da 74 onns ha fatg a Michigan in zic dapli vuschs che l'ateriura ministra da l'exteriur e favurita Hillary Clinton. A Mississippi ha Clinton dentant gudagnà cleramain.

Trump etenda vinavant ses avantatg

Il milliardari republican ha gudagnà cleramain tant a Mississipi sco a Michigan. Ils republicans han er anc gi pre-elecziuns en ils stadis Idaho e Hawaii. Ad Idaho ha Ted Cruz gudagnà, a Hawaii ha Trump gudagnà. Uschia ha Trump entant gudagnà las elecziuns preliminaras en 15 da 24 stadis.

Entaifer la partida republicana datti dapi intgins dis in moviment ch'emprova d'impedir che Trump vegn candidat per il presidi american.

RR novitads 06.00 +

Artitgels legids il pli savens