Siglir tar il cuntegn

Header

Navigaziun

Angela Merkel
Legenda: Angela Merkel prenda posiziun avant las medias suenter l'inscunter da l'UE a Brüssel. Keystone
cuntegn

Exteriur Sancziuns malgrà la cunvegna

Independent da la cunvegna ad in armistizi per l'ost da l'Ucraina metta l'Uniun Europeica en vigur il glindesdi sias sancziuns gia decididas

Quai ha ditg la chanceliera tudestga Angela Merkel suenter l'inscunter suprem a Brüssel.

Tar las sancziuns vai per scumonds d'entrada e per bloccadas da contos da persunas russas ed ucranaisas. Als discurs da pasch a Minsk eran ils schefs da stadi e da regenza da la Russia, l'Ucraina, la Germania e da la Frantscha sa cunvegnids ad in plan da pasch per l'Ucraina. Quel prevesa in armistizi a partir da dumengia.

Violenza cuntinuescha

Malgrà la cunvegna da pasch cuntinuescha la violenza en l'ost da l'Ucraina. Las davosas 24 uras han almain 11 persunas pers la vita, quai annunzian l'armada ucranaisa ed ils rebels proruss. La regenza a Kiew ed ils rebels pro-russ eran sa cunvegnids ier ad ina cunvegna cun pliras mesiras. Davent da mesa notg la dumengia va in armistizi en vigur. Sa cunvegnids èn ins era da retrair armas grevas e da stgaffir ina zona neutrala.

RR novitads a las 7:00