Siglir tar il cuntegn

Header

cuntegn

Salvament Lufthansa Naginas consequenzas negativas per la Swiss

La Germania vul sustegnair la societad aviatica Lufthansa cun 9 milliardas euros. Cun consequenzas negativas per la figlia Swiss na quinta l'expert d'aviatica Stefan Eiselin betg. Il stadi tudestg n'haja nagin interess da flaivlentar la Swiss. Avant la crisa saja la societad aviatica stada la pli profitabla da tuttas dal concern da Lufthansa, uschia Eiselin.

Per il sustegn finanzial da la Germania dovri anc il consentiment da la cumissiun da l'UE a Brüssel. Cun surpigliar 20% da las aczias da la Lufthansa daventass il stadi tudestg cumpossessur da la societad aviatica.

Eurowings stritga 300 plazzas

La figlia da la Lufthansa Eurowings veglia stritgar pervi da la crisa da corona mintga terza plazza en l'administraziun. Quai ha annunzià il schef Jens Bischof. Uschia veglia la societad aviatica sbassar ils custs ed uschia procurar che la «mamma», la Lufthansa, po pajar enavos tant pli spert il pachet da salvament da 9 milliardas euros a la regenza tudestga.

En total occupescha Eurowings radund 4'000 persunas, da quai 1'000 en l'administraziun.

RTR novitads 10:00

Artitgels legids il pli savens