Salvament da Grezia sin flaivlas chommas

Las tractativas a Brüssel durant ils davos 3 dis n'han purtà nagin success. Propostas per refurmas na sajan betg suffizientas.

Bandieras Grezia ed UE

Legenda da maletgs: Tema dal bancrut: Nibels stgirs sa furman sur la Grezia. Reuters

Las tractativas a Brüssel durant ils davos 3 dis n'han purtà nagin success. Las propostas greccas per refurmas, che duessan purtar ad Athen novas entradas da 3 milliardas euros, na sajan betg suffizientas, hai gì num da participants. Ils documents eran avant maun mo en grec e mo sin computers mobils.

Novas refurmas èn la premissa per che la Grezia survegnia credits internaziunals ch'èn actualmain bloccads. Athen dovra urgentamain daners, sias cassa pudessan gia esser vidas mez avrigl.

RR novitads 18:00