Bunamain 1’000 fugitivs èn ier vegnids salvads davant la costa da la Libia. Els eran sin quatter bartgas da gumma e duas bartgas da lain sco che la guardia da costa taliana ha communitgà.
Ella ha coordinà las sis operaziuns da salvament. A quest’acziun èn sa participadas era ina bartga norvegiaisa da la Frontex e duas bartgas d’organisaziuns d’agid.
Tenor las indicaziuns da las autoritads ha l’Italia dapi l’entschatta da l’onn prendì si passa 13’400 fugitivs en bartga.
