Siglir tar il cuntegn
Inhalt

Exteriur Sajettim Constanza: nagins indizis per in act terroristic

Tar in sajettim en ina disco en la citad tudestga da Constanza èn duas persunas mortas e trais vegnidas blessadas.

Autos avant la discoteca Grey. Davantiers in pindel da polizia.
Legenda: La polizia ha serrà giu l’areal enturn la discoteca «Grey». Keystone

Tranter las unfrendas saja in visitader da la disco sco era l’attatgader. La damaun marvegl enturn las quatter e mesa sajan stà d’udir cloms d'agid en la discoteca. Quella sa chatta en ina zona industriala a Constanza.

Dispita persunala

Tar il sajettim sa chattan nagins Svizzers tranter las unfrendas, quai ha il ministeri da l'exteriur confermà sin dumonda da l'agentura da novitads sda.
Plinavant è vegnì enconuschent che l'um da 34 onns ha sajettà giu il portier da la disco. Er l'assassin tutga tar las unfrendas. La polizia suppona ina dispita persunala dal assassin.

RR novitads 09:00