Saint-Gobain dastga surprender Sika

Dal punct da vista dal dretg da cartel na stat nagut enta pe pli a la surpigliada dal concern da chemia Sika. Las lubientschas necessarias per surpigliar il concern svizzer sajan avant maun.

Urs F. Burkard avant ils acziunaris

Legenda da maletgs: Acziunaris e management n'han betg grond plaschair, che il represchentant da la famiglia fundatura da la Sika, Urs F.... Keystone

Sco quai ch'il concern franzos Saint-Gobain communitgescha, èn tut las lubientschas necessarias per surpigliar la maioritad dal concern da chemia svizzer avant maun. Las cumissiuns da concurrenza dals stadis pertutgads hajan approvà ils plans, uschia il concern franzos Saint-Gobain.

Autoritads da concurrenza d'accord, vent asper però da la Sika

Il davos pled en chaussa han dentant las dretgiras: Avant bunamain 1 onn aveva la famiglia fundatura Burkard annunzià da vender sia cumpart. Cunter la surpigliada tras Saint-Gobain sa dostan tant ils acziunaris sco er il management da la Sika. Tenor els sa tracti d'ina transacziun ostile che na fetschia strategicamain betg senn.

RR novitads 10:00