Cun in gudogn da 980 milliuns euro è il resultat dal concern da l'emprima mesadad da l'onn radund 40% sut il resultat da l'emprim mez onn da l'onn passà, communitgescha Porsche. Volkswagen ha mess da la vart ils emprims sis mais anc ina giada passa ina milliarda euros per las dispitas giuridicas en connex cun il scandal da diesel.
Avant in onn anc in ferm plus
L'onn 2015 aveva Porsche nudà per l'emprim semester in plus da 30% cumpareglià cun l'emprim mez onn dal 2014. Surtut il vehichel champester Macan aveva d'auzà las cifras d'export. L'export en la China era schizunt creschì per 50%. Quest onn ha i dà en China anc in plus da 4%, ubain en cifras concretas: 30'000 autos.
RR novitads 12:00