Siglir tar il cuntegn
Inhalt

Exteriur «Sa zuppentar dal tut na va betg a prà cun in pajais avert»

En la Germania datti ina posiziun cuminaivla davart in scumond da la burca. Il minister da l'intern tudestg Thomas de Maizière ha chattà quel cun ministers da l'intern da la CDU e da la CSU da plirs pajais federativs.

In gruppa da dunnas tuttas vestgidas cun ina burca.
Legenda: La burca dat era da discutar en la Germania. Keystone

Suenter l’inscunter dals ministers da l’intern da plirs stadis federativs la gievgia, ha il minister da l'intern tudestg Thomas de Maizière ditg, ch'els tuts refusian la burca. Sa zuppentar dal tut na giaja betg a prà cun in pajais avert.

Ils ministers da las partidas CDU e CSU proponan che dunnas ston mussar lur fatscha en l'auto, en scolas, avant dretgiras, en il servetsch public e tar contacts cun las autoritads.

RR novitads 14:00