Siglir tar il cuntegn

Header

cuntegn

Exteriur Rut la pausa da cumbat ad Aleppo

En la citad siriana d'Aleppo cuntinueschan ils cumbats, malgrà che la Russia ha annunzià ina pausa da cumbat.

L'agentura da novitads statala Sana annunzia che las truppas da la regenza hajan conquistà territoris en il sidvest d'Aleppo. Tenor indicaziuns dal post d'observaziun per dretgs umans haja dà tozzels d'attatgas ord l'aria sin basas dals rebels en la citad. I na saja betg cler, schebain las attatgas derivian d'aviuns da cumbat russ u sirians.

Moscau aveva annunzià ch'a partir da gievgia vegnian ils cumbats mintgamai sistids da las 10.00 fin las 13.00, medemamain las attatgas ord l'aria e l'artigliaria.

Aleppo è ina da las citads las pli cumbattidas en la guerra civila en la Siria.

RR novitads 22.00

Artitgels legids il pli savens