Exteriur - Russia tascha vinavant davart participaziun als cumbats en Siria
La Russia ha bain confermà d'avair furnì rauba d'armaziun en la Siria che vala sco pajais en guerra. Davart ina eventuala participaziun als cumbats en la Siria n'è la Russia dentant betg s'exprimida.
Confermà ha il minister da l'exteriur russ Sergej Lawrow sulettamain che schuldada russa saja staziunada en la Siria dapi plirs onns.
Avant aveva l'agentura da novitads Reuters rapportà che schuldads russ hajan fatg part als cumbats. Lawrow ha però insistì ch'ils sgols che la Russia fetschia en la Siria, sajan tut sgols cun rauba d'agid, pia da caracter umanitar.
