Siglir tar il cuntegn
cuntegn

Exteriur Russia pronta da collavurar cunter SI

La Russia è para pronta per ina stab general communabel per coordinar las attatgas cunter la milissa da terror stadi islamic, quai ha ditg l’ambassadur russ.

Attatga cunter la milissa da terror stadi islamic.
Legenda: Las attatgas cunter la milissa da terror stadi islamic duain vegnir intensivadas. Keystone

Els sajan pronts da collavurar cun ils Stadis Unids, la Frantscha, la Tirchia ed auters pajas ha ditg l’ambassadur russ. Las tensiuns en la regiun tranter ils stadis dal vest èn creschidas, quai surtut dapi che la Tirchia ha sajettà giu in aviun d’armada russ sur il territori d’aria sirian.

Obama vul intensivar las stentas

Ils Stadis Unids da l’America na vesan il mument nagina periclitaziun directa tras la milissa da terror stadi islamic, quai han ils responsabels declerà a Washington. Dentant ha il president american Barack Obama admonì a ses team da segirtad d’intensivar las mesiras per destruir la milissa da terror stadi islamic. Perquai ha Obama pretendì dapli collavuraziun cun ils alliads en dumondas dal servetsch secret e da segirtad.

RR novitads 11.00