Siglir tar il cuntegn
cuntegn

Exteriur Russia lascha scader ultimatum

La Russia ha laschà scader l’ultimatum che la Gronda Britannia aveva dà en connex cun l’attatga da tissi sin in anteriur spiun e sia figlia. In pledader da l’ambassada russa a Londra ha ditg che la Russia na respundia betg a quest ultimatum.

Purtret da l'ambassada russa a Londra.
Legenda: L'ambassadur Russ a Londra ha ditg che la Russia na respundia betg a l'ultimatum. Keystone

In pledader da l’ambassada russa a Londra ha ditg che la Russia na respundia betg a quest ultimatum. Sco emprim veglian els survegnir provas dal tissi da gnerva. La Russia na saja betg involvida en l’attentat.

Tenor la regenza britannica èsi fitg probabel che la Russia saja responsabla per l’attatga cun tissi sin l’anteriur spiun dubel Sergej Skripal e sia figlia. L’attatga saja vegnida fatga cun in tissi ch’il militar russ haja sviluppà, ha ditg la primministra Theresa May en il parlament.

Plinavant ha la regenza britannica annunzià dad intercurir da nov 14 mortoris nua ch'i dettia eventualmain ina colliaziun cun la Russia. Ils mortoris sajan per part passa 10 onns enavos. Tranter quels èn er l'oligarch Boris Beresowski, in criticher prominent dal president russ Wladimir Putin.

RR novitads 06:00