Siglir tar il cuntegn

Exteriur Russia haja disditg a Beslan il 2004

Tar il drama d'ostagis a Beslan haja la Russia fatg sbagls massivs. 330 persunas eran mortas 180 da quels eran uffants.

Purtret d'ina duna che bragia davant ils purtrets da las victimas.
Legenda: En la scola da Beslan pendevan suenter l'attatga purtrets da las victimas vid la paraid. Keystone

Il tribunal europeic per ils dretgs umans a Strasbourg rinfatscha a la Russia d’avair fatg sbagls massivs tar il drama d’ostagis a Beslan il 2004. Tar quest rapiment d’ostagis en ina scola eran mortas dapli che 330 persunas. Tranter quellas era 180 uffants.

Ils terrorists dal Caucasus dal nord avevan prendì passa 1'100 persunas sco ostagis. La situaziun era escalada cun pliras explosiuns ed in cumbat da fieu da pliras uras. Sinaquai avevan confamigliars accusà la Russia tar il tribunal per dretgs umans a Strasbourg.

Ils derschaders rinfatschan uss sbagls relevants tar il management da crisa ed il diever d’armas exagerà. Uss han els sentenzià la Russia da pajar a las 409 famiglias pertutgadas indemnisaziuns da stgars trais milliuns euros.

RR novitads 12:00