Siglir tar il cuntegn
cuntegn

Exteriur Rument da plastic ed aschentaziun dals oceans

A New York ha cumenzà ina conferenza da las Naziuns Unidas davart la protecziun da las mars. En ses pled d’avertura ha il secretari general da l’ONU Antonio Guterres fatg attent en in studi, che la paisa dal rument da plastic en la mar pudess surpassar il 2050 la paisa da tut ils peschs.

Ina bartg entamez rument sin l'aua.
Legenda: Il rument da plastic en ils oceans è tema da la conferenza da las Naziuns Unidas. Keystone

Bun duas terzas da la surfatscha dal planet èn aua. Ma pir en l’ultima minuta è il tema dal rument da plastic en ils oceans vegnì sin l’agenda da las Naziuns Unidas.

Cun l’emprima conferenza dals oceans vulan las Naziuns Unidas uss crear in squitsch per ch’ils commembers da l’ONU ageschian.

Senza mars nagins umans

Cler è, che las mars lian bun in terz da tuttas emissiun da CO2, che la mesadad dal oxigen en l’atmosfera vegn ord la mar e che las mars reguleschan il clima global. Uschia che la mar ha ina relaziun fitg speziala cun l’umanitad. Ella ha pir stgaffì las premissas per vita, ha ditg Guterres.

Naginas mesiras concretas en vista

La situaziun da las mars mundialas è sa pegiurada ils ultims onns ma il mument na datti naginas mesiras concretas. Las contractivas vegnan dentant era qua engrevgiadas tras ils Stadis Unids che na vulan betg renconuscher, che la midada dal clima è ina part centrala dal problem.

La conferenza ha cumenzà mo paucs dis suenter ch’il president dals Stadis Unids Donald Trump ha annunzià da visar la cunvegna da clima da Paris.

RR novitads 06:00