Siglir tar il cuntegn
Inhalt

Exteriur Roma vul raps

La citad da Roma ha appellà da rimnar passa 500 milliuns euros per conservar ses bains culturals.

Uschia vul Roma motivar firmas e burgais a contribuir al mantegniment da lieus istorics da renum mundial sco per exempel il Forum Romanum o il Circus Maximus.

Enfin uss avevan gia marcas da luxus sustegnì a Roma en cas simils: la firma da moda Fendi ha finanzià la restauraziun da la funtauna da Trevi, il giuvelier Bulgari la Piazza da Spagna ed il fabricant da stgarpas e tastgas Tod’s paja la renovaziun dal Kolosseum.

Claudio Parisi, l'incumbensà dal patrimoni cultural da Roma, ha preschentà quests plans a schurnalists. Cun ses debits da 12 milliardas euros n'è Roma betg buna da conservar tut ses bains culturals suletta.

Quant auta che la prontezza da dar raps vegn ad esser n’è tenor il president da cità interimistic, Francesco Paolo Tronca, betg uschia segir. Il clom vegn numnadamain suenter in scandal da corrupziun en l’administraziun da la cità.

RR novitads 06:00