Siglir tar il cuntegn
Inhalt

Exteriur Roma excluda da statalisar Alitalia

La regenza a Roma excluda da statalisar la societad aviatica taliana Alitalia, quai suenter ch'il persunal da la societad ha refusà in plan da salvar quella.

Aviun da l'Alitalia resta par terra.
Legenda: L'Alitalia cumenza ussa cun las proceduras da l'insolvenza. Keystone

I saja exclus ch'il stadi mettia daners en l'Alitalia che stettian atgnamain a disposiziun als acziunaris privats da la societad aviatica. Uschia il ministeri d'industria talian Carlo Calenda.

Tenor il plan da salvament avessan ils acziunaris mess a disposiziun dus milliardas euros per ina nov'entschatta da l'Alitalia.

Per l’Alitalia na vegni a dar nagin salvament, i na dat nagin return. La societad aviatica vegn vendida a l’interessent cun la megliera offerta.
Autur: Graziano Delriominister dal traffic

Famas che la Lufthansa pudess surpiglair Alitalia che stat avant il concurs n'ha il ministeri betg vulì commentar. Ins possia vender l'Alitalia maximalmain en sis mais.

RR novitads 10:00