Rohani propona ad Obama da barattar praschuniers

Il president iranais, Hassan Rohani, ha proponì als Stadis Unids da barattar praschuniers. Quai ha Rohani ditg a New York, a l'ur da l'inscunter da l'ONU davart la persistenza.

Il president iranais, Hassan Rohani, a l'inscunter da l'ONU a New York.

Legenda da maletgs: Il president iranais, Hassan Rohani, a l'inscunter da l'ONU a New York. Reuters

El saja pront da laschar liber trais Americans che sa chattian en praschun en l'Iran. Tranter quels è er in correspundent da la New York Times. Ad lez vegn rinfatschà d'avair spiunà per ils Stadis Unids e d'avair fatg propaganda encunter l'Iran.

En ils Stadis Unids èn 19 Iranais en praschun pervi da surpassaments en connex cun l'embargo american cunter l'Iran.

RR novitads 11:00