Siglir tar il cuntegn

Header

cuntegn

Ristg d'infecziuns Vicepresident taskforce è preoccupà pervi da partis da la EM

Il vice-president da la task-force da covid da la Confederaziun, Urs Karrer, è preoccuppà pervi da l'euforia da l'EURO betg controllada.

Quai ha el ditg en in’ intervista cun il «Sonntagsblick.»

I na dettia nagins dubis, che l’EURO promovia infecziuns, uschia Karrer.

Il campiunadi europeic vegnia a chaschunar morts. El saja «Ischgl en il quadrat».

La destinaziun da sport d’enviern austriaca era la primavaira da l’onn passà in hotspot da corona. La situaziun epidemiologica en l'Europa sa preschentia il mument betg uschia, ch'ins possia far tals events da massa a moda betg controllada. I sajan gia vegnidas enconuschentas pliras infecziuns da massa.

Stgars 2’000 fans scots sajan s’infectads a Londra e fans finlandais tar 2 gieus a St. Petersburg en Russia.

L'EURO saja in terrain ideal per il virus, uschia il vice-president da la task-force vinavant. Tenor el duvrassi almain in hotspots sco l'Engalterra e la Russia mesiras da protecziun bler pli consequentas.

audio
Per tedlar curt e cumpact
ord Novitads dals 04.07.2021. Maletg: RTR
laschar ir. Durada: 1 minuta 13 Secundas.

RTR novitads 15:00;

Artitgels legids il pli savens