Siglir tar il cuntegn

Exteriur Rio: Schef dal comité olimpic da l’Europa è vegnì arrestà

Il schef dal comité olimpic da l'Europa - l'Irlandais Patrick Hickey - è vegnì arrestà en la Brasilia. El duai esser involvì en in scandal da bigliets.

Purtret da Patrick Hickey.
Legenda: Patrick Hickey è vegnì arrestà e purtà en l'ospital. Keystone

Tenor medias brasilianas ed irlandaisas duai il commember da l'IOC esser involvì en in scandal da bigliets. Hickey duai avair colliaziuns cun in sistem internaziunal, cun il qual ins haja vendì bigliets memia chars per ils gieus olimpics da Rio.

La federaziun olimpica da l'Irlanda ha ditg ch'ella haja prendì enconuschientscha dals rapports. Hickey è president da questa federaziun.

RR novitads 20:00