Exteriur - Rinfatschas a regenza siriana – rut la pausa da cumbat
Ils Stadis Unids rinfatschan a la regenza siriana d’avair rut pliras giadas la pausa da cumbat, ha communitgà in pledader da la regenza americana. La gronda part da las cuntravenziuns sajan vegnidas commessas da las truppas dal president sirian Baschar al-Assad.
Cunzunt la situaziun enturn la citad d’Aleppo saja tendida. Las truppas da l’armada siriana attatgian gruppas che fetschian part da la cunvegna tranter la regenza ed ils cumbattants da l’opposiziun, ha ditg il pledader da la regenza americana. Sulettamain sclausas da la pausa da cumbat èn l’organisaziun terroristica Stadi islamic e la front dad Al-Nusra. Sco las autoritads americanas han confermà saja uss decisiv da definir tge gruppaziun che sa chattia nua.
