- Perquai ch'il coronavirus s'extenda, han ils Stadis Unids decretà in stop d'entrada per esters da l'Europa. Il scumond d'entrada vala per il spazi da Schengen ed uschia er per la Svizra.
- Quest stop d'entrada en il pajais vala ad interim per 30 dis.
- ll scumond d'entrada va en vigur il venderdi da mesanotg, temp local, pia sonda damaun.
Sco ch'il president american Donald Trump ha ditg, dettia excepziuns per burgais americans, quai dentant be sch'els laschan far ils tests correspundents. Plinavant na valia il stop betg per la Gronda Britannia. El ha giustifitgà il stop d'entrada che la UE n'haja betg decidì las medemas mesiras da protecziun sco ils Stadis Unids ed er betg impedì ad uras viadis da la China en l'Europa.
Pli grond engaschament en l'istorgia moderna
Nus mobilisain l'entira forza da la regenza e dals secturs privats per proteger ils umans en America.
I saja il pli decisiv e vast engaschament en l'istorgia moderna per cumbatter in virus da l'ester.
Fin uss èn mortas 37 persunas en ils Stadis Unids en consequenza dal virus Covid-19, varga 1'100 èn infectadas.
audio
Per tadlar – curt e concis
ord Actualitad dals 12.03.2020.
laschar ir. Durada: 45 Secundas.
RTR novitads 06:00
