Siglir tar il cuntegn
cuntegn

Exteriur Republica Dominicana: Elecziuns presidialas

Tenor emprimas calculaziuns maina il president da fin qua Danilo Medina dals socialdemocrats cleramain.

Um cun cedel da votar.
Legenda: Il president Danilo Medina en in local electoral a Santo Domingo. Keystone

Da l’elecziun dal president en la Republica Dominicana maina il president da fin qua, il socialdemocrat Danilo Medina (PLD). Suenter che radund 25% da las vuschs èn dumbradas, vegn Medina sin passa 60% da las vuschs.Quai rapportan las medias localas.

Ses concurrent Luis Abinader da la partida PRM vegn sin radund 35% da las vuschs. Questa partida è pir vegnida fundada il 2014.

Cun la maioritad absoluta fiss Medina gia reelegì per in ulteriura perioda d’uffizi da quatter onns.

L’um da 64 onns po guardar enavos sin in temp d’uffizi da success. Grazia ad in creschament economic da passa 6% è la Republica Dominicana creschida dapli che mintg’auter pajais da l’America Latina.

Dasper il president elegia il suveran er in nov parlament e senat.

RR novitads 08:00