Siglir tar il cuntegn
cuntegn

Exteriur Repower po pruvar vinavant da surdar ovra da charvun en l'Italia

La procedura da permissiun per l'ovra d'energia da charvun a Saline Joniche en la Calabria po cuntinuar. La dretgira administrativa a Roma ha dà suatientscha a la protesta da la firma taliana SEI, ina societad affiliada dal concern d'energia grischun Repower.

In implant da charvun en Germania en la glisch dal suletg da la damaun.
Legenda: Surpigliar u liquidar , quai en las opziuns che la Repower ha actualmain cun l'ovra da charvun (maletg simbolic). Keystone

Cunter la procedura da permissiun per l’ovra a Saline Joniche avevan differentas organisaziuns naziunalas per la protecziun da l’ambient, la regiun Calabria ed organisaziun regiunalas fatg recurs. La dretgira administrativa a Roma ha uss refusà quest recurs. Uschia pon cuntinuar las tractativas.

La regiun Calabria è la proxim’instanza che vegn probablamain a decider davart l’ovra da charvun. Fin uss aveva la Calabria dentant adina pledà cunter il project.

Suenter il «Gea ad energia senza charvun» dal suveran grischun l'atun 2013 na po la Repower entant betg pli investir en l'ovra d'energia a Saline Joniche ed ha offert a la SEI da cumprar sia cumpart. Sche la firma taliana na vul betg surpigliar il project, lura vegn la Repower a liquidar ella.

RR novitads 18:00