Siglir tar il cuntegn

Exteriur Repatriament è legal

Il tribunal europeic dals dretgs umans a Strasbourg ha refusà in recurs d’in um tirc cunter la Svizra. La Svizra n'haja betg violà ils dretgs umans cun betg dar asil a l'um. Il 2001 ha l'um ch'è psichicamain malsaun mazzà sia dunna.

bajetg radund, tribunal europeic
Legenda: Vesta sin l'entrada principala dal tribunal europeic per dretgs umans a Strassbourg. Keystone

L'um è vegnì sentenzià ad 8 onns praschun, quai è vegnì spustà ad in tractament psichiatric staziunar.

Il 2009 ha la Svizra retratg a l'um il dretg d'asil en Svizra, in onn pli tard il permis da dimora. Las autoritads han decidì che l'um haja da bandunar il pajais. Alura aveva l’um fatg valair ch’en Tirchia spetga el la tortura e el na possia turnar en Tirchia.
La Svizra ha argumentà che las relaziuns sajan sa midadas en ils ultims 27 onns dapi che l’um era fugi ord la Tirchia. Ina repatriaziun sajan giustifitgada. Uss ha il tribunal europeic dà raschun a la Svizra.

RR novitads 14:00