Siglir tar il cuntegn

Header

Navigaziun

persunas davos ina saiv
Legenda: Fugitivs en in champ da recepziun provisori sin l'insla greca Lesbos ch'è pertutgada sumegliont sco l'insla taliana Lampedusa. Keystone
cuntegn

Exteriur Repartiziun dals fugitivs en l'Europa ha cumenzà

La repatiziun dals fugitivs sin l'Europa ha cumenzà. Ils emprims 19 fugitivs da l'Eritrea èn vegnids sgulads da l'Italia en Svezia.

Prendì cumià dals fugitivs sin la plazza aviatica a Roma-Ciampino han tranter auter il minister da l'intern talian, Angelino Alfano, ed il minister da l'exteriur dal Luxembourg, Jean Asselborn.

Plan europeica per distgargiar l'Italia e la Grezia

Avant paucs dis eran ils fugitivs da l'Eritrea arrivads sin l'insla taliana da Lampedusa. Suenter lungas discussiuns avevan ils stadis da l'Uniun europeica (UE) decidì da reparter radund 160'000 fugitivs en l'Italia e Grezia sin auters stadis commembers. Quai en duas parts: Ina giada 40'000 ed in'ulteriura unda cun 120'000.

Era la Svizra surpiglia

Tar la repartiziun dals 40'000 è la Svizra sa declereda pronta da surpigliar 1'500 fugitivs.

RR novirtads 12:00