Siglir tar il cuntegn

Header

cuntegn

Exteriur Renzi duai anc star in mument

Il primminister talian Matteo Renzi resta uss tuttina anc en uffizi per in temp. Il president talian Sergio Mattarella ha numnadamain dumandà Renzi da spetgar cun sia demissiun.

L'emprim duai el procurar che l'Italia haja in preventiv per l'onn che vegn. Quai ha annunzià in pledader dal president talian. Il parlament talian sto deliberar il preventiv fin la fin da december.

Silsuenter pudess Matteo Renzi inoltrar sia demissiun. Pussaivel fiss che Mattarella mettess lura en funcziun ina regenza transitorica fin la fin da la perioda da legislatura la primavaira 2018. El pudess dentant era instradar elecziuns novas sin primavaira u stad 2017. Il futur politic dal pajais indebità resta uschia intschert.

Suenter ch'ils Talians avevan refusà cleramain il referendum davart ina refurma da la constituziun la dumengia aveva Matteo Renzi annunzià da vulair sa retrair.

RR novitads 06:00

Artitgels legids il pli savens