Siglir tar il cuntegn
cuntegn

Exteriur Renzi danovamain schef da la partida PD

Il vegl è il nov: L'anteriur schef da la regenza taliana, Matteo Renzi, ha instradà ses comeback politic. Dumengia è el puspè vegnì elegì sco schef dal «Partito Democratico» ed el pudess er puspè candidar sco schef da regenza.

Matteo Renzi.
Legenda: Matteo Renzi ha survegnì 72% da las vuschs inoltradas. Keystone

L’um da 42 onns ha gudagnà l’elecziun cunter il minister da giustica Andrea Orlando ed il president regiunal da la Puglia, Michele Emiliano. Suenter ils prims resultats è Renzi vegnì sin 72%, Orlando sin 19% ed Emiliano sin 9% da las vuschs inoltradas.

Matteo Renzi è gia stà schef dals socialdemocrats dal 2013 fin il favrer passà. Suenter sia reelecziun pudess Renzi danovamain vegnir purtà sco candidat dal bloc mez-sanester per il post dal schef da regenza.

Renzi era sa retratg il december passà sco schef da regenza suenter ina terrada davart dal referendum per ina refurma constituziunala. Mez favrer havev'el er remess ses uffizi sco schef da partida.

RR novitads 06:00