L'anteriur schef da finanzas dal Vatican, il cardinal australian George Pell, sto restar en praschun pervi d'avair malduvrà dus buobs. Quai duai esser capità ils onns 1996/97, cura che Pell era archuvestg da Melbourne. Ina dretgira a Melbourne ha renvià l'appellaziun da l'um da 78 onns.
Sco schef da finanzas dal Vatican valeva Pell sco nummer 3 en la ierarchia da la Baselgia catolica. Il mars passà è el vegnì sentenzià a 6 onns praschun pervi da maldiever da minorens – quai sco pli aut spiritual en l'istorgia da la baselgia.
RR novitads 06:00