Siglir tar il cuntegn
Inhalt

Exteriur Reglas pli severas per entrar en ils Stadis Unids da l'America

La permissiun electronica d'entrada en il pajais "ESTA" sto cuntegnair infurmaziuns davart viadis en pajais che porschan refugi a terrorists.

Controllas ad in eroport en ils Stadis Unids
Legenda: Pli severas reglas per entrar en ils Stadis Unids. Keystone

Suenter las attatgas a Paris ha la chombra da represchentants en ils Stadis Unids decidì reglas pli severas per entrar en il pajais senza visum. Il sboz da lescha è vegnì approvà cun 407 cunter 19 vuschs.

Il senat sto er anc approvar la midada che pertutga viagiaturs ord 38 stadis dal program «Visa-Waiver». Persunas ord quests pajais na pon en l'avegnir betg pli entrar en ils Stadis Unids cun in visum electronic sch'ellas èn stadas ils ultims 5 onns en la Siria, l'Irac, l'Iran u en il Sudan.

Ultra da quai ston societads aviaticas pajar in chasti da 50'000 dollars enstagl da 5'000 sch'ellas na controlleschan lur passagiers betg avunda.

RR novitads 06:00