Cun il nov codex da cumportament na pon cumissaris da l'UE per dus onns betg midar tar il sectur d'economia suenter lur demissiun. Il president da la cumissiun duai perfin spetgar trais onns. Enfin uss dumbrava quest temp mo 18 mais. Plinavant ston ils commembers inditgar mintg'investiziun che surpassa 10'000 francs. Er sche quai effectuass in conflict d'interess.
Gremi da controlla
In nov gremi d'etica independent duai survegliar il nov codex. Cun questas mesiras vegn la cumissiun suenter a las pretensiuns da l'organisaziun Transparency International d'introducir in gremi da controlla e da prolungar la «fasa per sa sfardar».
Il 2016 era la midada da l'anteriur president da la cumissiun José Manuel Barroso vegnida crititgada. La cumissiun d'etica era però sa decidida che Barosso n'haja surpassà naginas reglas.
RR novitads 06:00