Siglir tar il cuntegn
cuntegn

Exteriur Registrà passa 1200 cas da microcefalia

Dapi ch'il virus da Zika è rut or en la Brasilia èn numerus uffants naschids cun in chau bler memia pitschen.

In uffant cun microcefalia - Uffants cun microcefalia han chaus e tscharvès ordvart pitschens
Legenda: Uffants cun microcefalia han chaus e tscharvès ordvart pitschens Keystone

En la Brasilia han ins registrà 1271 cas da microcefalia tar uffants nov-naschids. La malsogna fa ch'ils uffants naschan cun in chau ordvart pitschen e savens è er il tscharvè donnegià. Sco quai ch'il ministeri da sanadad communitgescha èn almain 57 pops morts en consequenza dal grev defect. Tar ulteriurs 180 mortoris vegni supponì in connex.
Il virus da Zika che vegn dà vinavant da mustgins è il mument surtut derasà en l'America dal sid. La Brasilia è ordvart pertutgada. Qua vegni schazegià che 1,5 milliuns persunas èn infectadas cun il virus.

RR novitads 6:00