Siglir tar il cuntegn
Inhalt

Exteriur Referendum da la constituziun en Tirchia attira attenziun

Tircas e Tircs en l'exteriur pon anc fin dumengia vuschar davart il referendum e la midada da constituziun.

Persunas che van a votar.
Legenda: Fin mesemna han 1/3 dals 1,4 milliuns tircs en Germania dà giu la vusch. Keystone

Las votaziuns davart il referendum da la constituziun en la Tirchia paran d’attrair bleras Tircas e Tircs en l’exteriur. Fin mesemna avevan 1/3 dals 1,4 milliuns tircs en Germania dà giu la vusch. Quai tenor in rapport la «Frankfurter Allgemeine Sonntagszeitung».

Las urnas per las persunas tircas en l’exteriur èn anc avertas fin dumengia saira. Sco ch’il pledader da la partida social-democratica tirca en Germania ha ditg, quintian els cun ina quota da passa 50%.

Cun la midada da la constituziun survegniss il president tirc Recep Tayyip Erdoğan dapli pussanza e pudess relaschar leschas en atgna reschia.

RR novitas 09:00