Record da catastrofas ma pli paucs custs

Ils donns chaschunads tras catastrofas da la natira u umans muntan a 110 milliardas francs. Quai tenor in studi da la reassicuranza Swiss Re.

Uffant gioga en l'aua

Legenda da maletgs: Inundaziuns en il Malaisia il december 2014. Reuters

Quai saja pli pauc ch’avant in onn e quai malgrà ch'i haja da l’onn 2014 uschè bleras catastrofas sco anc mai, scriva Swiss Re. Da tut ils donns chaschunads tras catastrofas da la natira ubain d’umans era sulet in terz segirà.

Bunamain 13’000 morts

L’onn passà en mortas 12’700 persunas tar catastrofas. Quest dumber è in dals pli bass dapi ch’i vegn fatg la dumbraziun. L’onn 2013 avevan anc 27’000 persunas pers la vita tras catastrofas.

Record da catastrofas

Totalmain 335 catastrofas èn vegnids registrads l’onn 2014. 189 da quellas èn stadas catastrofas da la natira tge ch’è in record, 147 èn chaschunads da carstgauns, uschenumnadas catastrofas tecnicas.

Palmas e la mar cun undas autas, i plova

Legenda da maletgs: Ferms vents devasteschan parts da las Filippinas. Reuters

Catastrofas da la natira

Urizis grevs durant la stad han fatg gronds donns en l’Europa sco era en ils Stadis Unida da l’America. Era donns hai dà tras granella e burascas il matg e zercladur. Il Giapun ha patì da la pli ferma burasca da naiv dapi decennis che ha chaschunà la mort da 26 persunas.

RR novitads 14:00