Siglir tar il cuntegn

Header

cuntegn

Exteriur Rebels da la Catalugna stattan avant la fin

La regenza da la regiun spagnola Catalugna para da dar dapart pervi d’ina dispita davart la politica da finanzas. La partida da la sanestra CUP ha vuschà cunter in sboz dal preventiv, perquai ch’ella refusa las mesiras da spargn planisadas.

Il president regiunal Carles Puigdemont ha ditg ch’i manchia a la coaliziun ina basa stabila da reger vinavant. Sia partida haja pers la maioritad necessaria per cuntanscher las finamiras.

President vul tschentar la dumonda da confidenza

El ha annunzià da far la dumonda da confidenza en il parlament. En cas che Puigdemont perdess la votaziun, stuess el chattar novs partenaris da coaliziun, cas cuntrari datti elecziuns novas.

Finamira da l'independenza resta

Per ils adherents da l’independenza è la crisa da coaliziun ina schleppa. Atgnamain avevan ils partenaris da regenza prendì sco finamira da preschentar in plan per l’independenza fin il 2017. Represchentants da la partida da coaliziun CUP ha communitgà, ch’els sa tegnian vid la finamira da l’independenza, er sch’els na possian betg sustegnair ils sboz dal budget.

RR novitads 06:00

Artitgels legids il pli savens