Exteriur - Reacziuns plitost positivas sin cunvegna cun l’UE
Bunamain tut las partidas greccas beneventan la cunvegna da la regenza cun ils partenaris da l'Europa. Ils socialists han manegià ch'il temp da las illusiuns saja passà per la regenza dal primminister sanester Alexis Tsipras.
La partida conservativa è da l'avis ch'il pir saja evità. Ils communists decleran che la cunvegna na saja nagut auter ch'ina cuntinuaziun da las mesiras da spargn. La Germania lascha plaschair la cunvegna cun la Grezia. El possia responsar bain la decisiun, ha ditg il minister da finanzas tudestg Wolfgang Schäuble.
