Siglir tar il cuntegn

Exteriur Reacturs atomars anc adina betg vid la rait

En il Giapun na dastgan dus reacturs atomars betg vegnir colliads cun la rait. Quai ha decidì ina dretgira districtuala.

L'ovra atomara da Takahama en il Giapun
Legenda: Ils reacturs da l'ovra da Takahama correspundan a las novas pretensiuns, na vegnan dentant tuttina betg colliads. Keystone

Malgrà ch'ils reacturs da l'ovra atomara Takahama adempleschan las novas pretensiuns da segirezza che valan dapi il favrer restan quels ord funcziun.

La decisiun da la dretgira vala sco duscha fraida per la regenza dal primminister Shinzo Abe. Quella vul puspè metter en fucziun singuls reacturs atomars 4 onns suenter la catastrofa da Fukushima.

Dapi la catastrofa il 2011 èn tut ils reacturs atomars en il Giapun tschentads giu.

RR novitads 11.00