Siglir tar il cuntegn
Inhalt

Exteriur Razzias en la Germania

Il mardi en damaun ha la cumissiun extraordinaria da la polizia da Hamburg «Schwarzer Block» cumenzà cun in'operaziun. Ins spera da chattar cumprovas en connex cun ils cravals a Hamburg durant l’inscunter dals stadis G20.

Polizia davant in bajetg.
Legenda: La cumissiun extraordinaria Schwarzer Block» ha cumenzà cun l'operaziun per chattar cumprovas per ils cravals avant tschintg mais. Keystone

Cun las razzias en l'entira Germania vul ins chattar las cumprovas. Sco che l'emettur NDR rapporta ha la polizia en visier 24 objects en 8 pajais federativs. Per part abitaziuns privatas e territoris sanesters en las citads. A Hamburg ha la polizia perquirì l'abitaziun d'ina persuna che fa probablamain part da la gruppa da la sanestra extrema «Roter Aufbau Hamburg».

Tenor indicaziuns da la gasetta Die Welt examinescha la procura publica cunter 21 umens e dunnas da la scena extrem-sanestra ch’eran cumpigliadas en las acziuns violentas il fanadur a Hamburg. Arrestaziuns n’haja quai dà naginas, rapporta la gasetta.

RR novitads 09:00