Uschia hai dà tar la razzia da la polizia en total 3 morts. La mesemna marvegl ha la polizia assaglì l'abitaziun en la Rue du Corbillon 8 a Saint-Denis. En quella ha ella scuvert ina cella terroristica. Tranter ils morts è er il tirafils supponì dals attentats a Paris, Abdelhamid Abaaoud. Plinavant è ina dunna sa siglientada en l'aria cura che la polizia ha fatg la razzia. I duai sa tractar d'ina cusrina d'Abaaoud, Hasna Ait Boulahcen. Tenor la procura publica hajan ins chattà ina tastga cun in pass cun quest num.
L'abitaziun è vegnida devastada tar la razzia e las lavurs da tschertga s'avanzan perquai mo plaun.
RR novitads 11:30