Siglir tar il cuntegn
Inhalt

Exteriur Razzia en connex cun la mort d’in uffant pitschen palestinais

Forzas da segirtad israelianas han arrestà plirs colonists radicals en la Cisjordania.

In Palestinais en la ruina da la chasa ch’è arsa suenter l’attatga da fieu ils 31 da fanadur.
Legenda: In Palestinais en la ruina da la chasa ch’è arsa suenter l’attatga da fieu ils 31 da fanadur. Keystone

L’acziun en posts illegals da colonists haja in connex cun ils schabetgs en il vitg palestinais Duma, ha communitgà la polizia israeliana.

En il vitg palestinais avevi dà la fin fanadur attatgas da fieu sin 2 chasas. In uffant pitschen era brischà viv, il bab era mort in'emna pli tard pervi da las blessuras. Ed era la mamma ed in frar da 4 onns èn vegnids blessads grevamain.

Malgrà in scumond da rapportar davart la razzia, ha il radio statal annunzià l’arrestaziun da 10 gidieus extremists che duain esser involvids en acts da violenza cunter Palestinais.

RR Novitads 12:00