Siglir tar il cuntegn
Inhalt

Exteriur Razzia ad Aachen senza resultat

La polizia ad Aachen ha laschà liber tuttas 7 persunas ch'ella ha arrestà oz ad Alsberg dasper la citad d’Aachen. Las persunas na stettian betg en colliaziun cun las attatgas terroristicas a Paris ha communitgà la polizia.

La polizia speziala en ils quartiers d'Aachen.
Legenda: La polizia ha arrestà en tut 5 persunas. Keystone
Policists stattan davant in bus da polizia.
Legenda: La polizia en Germania era en acziun cun plirs policists. Keystone

Avant ha il minister da l'intern tudestg, Thomas de Maizière communitgà che Salah Abdeslam, il frar d'in dals attentaders da Paris, na saja betg tranter las persunas arrestadas. Abdeslam vegn tschertgà internaziunalmain. La polizia aveva communitgà l’emprim ch’els hajan arrestà l’emprim 3 persunas pervi da suspect da terror, pli tard aveva la polizia annunzià ch’ella haja arrestà 4 persunas.

RR novitads 14:00/18:00