Siglir tar il cuntegn
Inhalt

Exteriur Rapinament da 4 lavurants talians en la Libia

Ils 4 lavurants talians sajan vegnids rapinads en il vest da la chapitala Tripolis, quai ha communitgà il ministeri da l’exteriur talian.

Devastaziuns en in quartier d'ina citad en la Libia.
Legenda: La situaziun en la Libia è fitg privlusa, adina puspè procuran cumbats tranter differentas gruppaziuns per grondas devastaziuns. Reuters

Uss hajan ins furmà in stab da crisa, e stettia en stretg contact cun las famiglias dals 4 umens, ha ditg il ministeri. Il rapinament è succedì datiers d’in implant dal concern d’ieli talian ENI.

La situaziun en la Libia è dapi la fin da la dictatura da Muammar al-Gadaffi il 2011 nunsurvesaivla. 2 regenzas e 2 parlaments, sco era ulteriuras gruppaziuns cumbattan per la pussanza en il pajais.

RR Novitads 11:00