Siglir tar il cuntegn
Inhalt

Exteriur Rajoy sa retira dal tut da la politica

L'anteriur schef da la regenza spagnola, Mariano Rajoy, sa retira da la politica. El haja gì ina intensiva vita politica, ha el ditg en in'intervista da radio. I n'haja nagin senn d'anc restar pli ditg.

purtret da Mariano Rajoy
Legenda: «I dat anc autras chaussas en la vita che la politica», ha ditg Rajoy. Keystone

Il mardi era Rajoy sa retratg sco schef da la partida populara conservativa. L'emna passada era el vegnì mess giu sco primminister da la Spagna. La raschun è in scandal da corrupziun enturn commembers da sia partida. Il politicher da 63 onns ha presidià dapi il 2004 la partida, dapi il 2011 è el stà primminister.

RR novitads 16:00