Siglir tar il cuntegn
Inhalt

Exteriur Rajoy empermetta als Spagnols in augment da las plazzas da lavur

Il primminister spagnol Mariano Rajoy ha annunzià in creschament da l’economia e damain dischoccupads.

Il primminister Mariano Rajoy discurra en il parlament spagnol.
Legenda: Il primminister Mariano Rajoy en il parlament spagnol. Keystone

L’economia spagnola vegnia quest onn a stgaffir ina mesa milliun plazzas novas, ha ditg Rajoy durant la debatta el parlament. Ils menders muments da la crisa sajan uss surmuntads. La finamira da stgaffir 3 milliuns plazzas novas ils proxims onns saja realistica, ha manegià il primminister spagnol.

Quest atun han lieu las proximas elecziuns dal parlament en la Spagna. Prognosas laschan supponer ch’i vegn a dar in cumbat electoral tranter la partida da protest sanestra Podemos, ina partida da medema tempra sco Syriza en la Grezia, e la partida dal pievel dal primminister Mariano Rajoy.

RR Novitads 17:00